Kwa Maadhimisho ya Misa na Liturujia ya Vipindi Kadiri ya Kalenda ya  Jumla ya Kiroma

Kwa vipindi mbalimbali vya siku, liturujia ya vipindi hueneza sifa na shukrani, kumbukumbu ya mafumbo ya wokovu, sala na kionjo cha utukufu wa mbinguni unaopatikana katika fumbo la Ekaristi, “Kitovu na kilele cha maisha yote ya jumuiya ya kikristo.” Liturujia ya Vipindi vilevile ni maandalizi bora kwa ajili ya adhimisho la Ekaristi yenyewe, kwa kuwa inahamasisha na kuimarisha kwa njia ifaayo, mielekeo muhimu kwa ajili ya adhimisho kamilifu la Ekaristi: iman, matumaini, upendo, ibada na roho ya kujikatalia. Utakaso wetu unatimia na ibada inatolewa kwa Mungu katika liturujia ya vipindi kwa namna ambayo mazungumzano yanaanzishwa kati ya Mungu na sisi, ambapo ‘Mungu anasema na watu wake na watu wake wanamwitikia kwa nyimbo na sala.” Wale wanaoshiriki katika liturujia ya vipindi wanaufikia utakatifu wenye utarajiri we pekee kwa njia ya neon la Mungu linaoleta uzima, ambalo katika liturujia hii hupata msisitizo mkubwa. Hivyo masomo yake hutoka katika Maandiko Matakatifu, maneno ya Mungu katika zaburi yanaimbwa machoni pake, na maombi, sala, na nyimbo zikivuviwa na Maandiko na kuinuliwa katika roho yake.